حەوت ئامۆژگارى تا دووربکەویتەوە لە لێدانى خۆر
 

لەگەڵ هاتنى وەرزى گەرما و بەرزبوونەوەى پلەکانى گەرما و بەهێزبوونى تیشکى خۆردا یەکێک لەو حاڵەتانەى زۆر بڵاودەبێتەوە لێدانى تیشکى خۆرە کە دەبێتە هۆى کێشەى تەندرووستى.
بۆئەوەى لەم وەرزەدا دووربکەویتەوە لەو حاڵەتە پێویستە ئاگادارى خۆت ببیت و ئەم ئامۆژگاریانە لەبەرچاو بگریت.
١- جلوبەرگ
دەبێت جلى پان و ڕەنگى کراوە و قوماشى لۆکە لەبەر بکەیت.
٢- شلەمەنییەکان
لە ڕێگاى خواردنەوەى ئاو و شەربەت و شلەمەنیەکانەوە شێدارى لەشت ڕابکگرە، شەربەتى ترێ و لیمۆ باشترینن تا وا لە لەش بکەن زیاتر بەرگەى پلەى گەرما بگرێت.

٣- ماندووبوون
کاتێک پلەى گەرما زۆر بەرز دەبێتەوە دووربکەوەرەوە لە کارکردن و وەرزشکردن بە تایبەت لە دەرەوە و لە بەردەم تیشکى خۆردا.
٤- ئۆتۆمبێل
هەرگیز منداڵ و بەساڵاچوان بە تەنها جێمەهێڵە لە ناو ئۆتۆمبێلدا، چونکە ئەمە دەبێتە هۆى مردن.

٥- ساردبوونەوەى لەپڕ
یەکسەر دواى گەرمایەکى زۆر مەچۆرە بەردەم هەوایەکى سارد و بە ئاوى زۆر سارد خۆت مەشۆ، بەڵکو بە شێنەى خۆت فێنک بکەرەوە.
٦- پاڵکەوتن

ئەگەر هەستت بە گەرمایەکى زۆر کرد ئەوا بۆ ماوەى چەند خولەکێک پاڵبکەوە ئەمە لەشت فێنک دەکاتەوە.

٧- چەتر و کڵاو
زۆر گرنن بۆ هاوین تا خۆت بپارێزیت لە تیشکى خۆر.

 سایتی کانالی NRT