شێوازي ئاماده‌ كردني شله‌ي به‌ قيمه‌

كه‌ره‌سته‌ي پێويست بۆ 8 كه‌س:

ـ 300 گرام قيمه‌ي گۆشت

ـ 2 كوپ له‌په‌ يان له‌ته‌ نۆك

ـ پيازێكي گه‌وره‌

ـ 10 دانه‌ ليمۆي عوماني

ـ كه‌وچكێكي بچووك زه‌عفه‌ران

ـ رۆن به‌ پێي پێويست

ـ كه‌وچكێك دۆشاوي ته‌ماته‌

ـ كه‌وچكێك دارچين

ـ كه‌وچكێكي بچووك زه‌رده‌چێوه‌

ـ خوێ به‌ پێي پێويست

ـ 4 دانه‌ په‌تاته‌

شێوازي ئاماده‌ كردني:

1ـ سه‌ره‌تا قيمه‌ و له‌ته‌ نۆكه‌كه‌ بشۆنه‌وه‌ و له‌ سه‌به‌ته‌يه‌كدا ئاوه‌كه‌ي لێ بگرن.

2ـ پيازه‌كه‌ شێوه‌ بازنه‌يي ورد بكه‌ن.

3ـ كه‌مێك رۆن‌ له‌ناو مه‌نجه‌ڵێك بكه‌ن و له‌سه‌ر ئاگري دابنێن و دواتر پيازه‌كه‌ي له‌ناو بكه‌ن تا سور ده‌بێته‌وه‌. دواتر زه‌رده‌چێوه‌ي به‌سه‌ردا بكه‌ن.

4ـ قيمه‌كه‌ي له‌ناو بكه‌ن تا نه‌رم ده‌بێت. دواتر له‌ته‌ نۆكه‌كه‌ي له‌ناو بكه‌ن و تێكي بده‌ن و كه‌مێك خوێي به‌سه‌ردا بكه‌ن.

5ـ دواي 3-4 خوله‌ك 2 كوپ ئاوي گه‌رمي له‌ناو بكه‌ن و لێگه‌ڕێن تا ده‌كوڵێت. دواتر كه‌مێك زه‌عفه‌راني له‌ناو بكه‌ن.

6ـ له‌م كاته‌دا ليمۆكان له‌ناو ئاوي گه‌رمدا بخوسێنن و به‌ چه‌نگاڵ چه‌ند كونێك له‌ ليمۆيه‌كان بكه‌ن و له‌ناو شله‌كه‌ي بكه‌ن.

7ـ له‌سه‌ر ئاگرێكي نه‌رم بۆ ماوه‌ي 2 كاتژمێر بكوڵێت.

8ـ له‌م ناوه‌دا په‌تاته‌كان سوور بكه‌نه‌وه‌.

9ـ له‌ناو قاپێكدا دۆشاوي ته‌ماته‌ شله‌ بكه‌نه‌وه‌ و له‌ناو شله‌كه‌ي بكه‌ن. دواي چاره‌گێكي تر دارچيني له‌ناو بكه‌ن.

10ـ ئێستا شله‌كه‌ ئاماده‌يه‌ و له‌ناو ده‌فرێكي بكه‌ن و به‌ په‌تاته‌ي سووره‌وه‌ كراو بيڕازێننه‌وه‌