ته‌مه‌ن درێژده‌كات

هه‌ر وڵاتێك به‌چه‌ند خرافاتێكي‌ تايبه‌ت به‌خۆيي‌ ناسراوه‌، ماڵپه‌ڕي‌ (سه‌قافه‌و علوم) باس له‌چه‌ند خورافاتێكي‌ سه‌رسوڕهێنه‌ر ده‌كات كه‌ زۆربه‌ي‌ خه‌ڵك باوه‌ڕيان پێيه‌تي‌.

له‌به‌ريتانيا له‌پێناو مانه‌وه‌ به‌گه‌نجي‌‌و ته‌مه‌ن درێژي‌، گه‌نجان به‌ڕو له‌گرفانياندا هه‌ڵده‌گرن.پياواني‌ ئينگليز له‌كۆندا له‌كاتي‌ دروستكردني‌ خێزان‌و خستنه‌وه‌ي‌ وه‌چه‌دا خواردني‌ (كاهو)يان پشتگوێده‌خست، چونكه‌ له‌و باوه‌ڕه‌دان كاهو ده‌بێته‌هۆي‌ نه‌زۆكي‌.

له‌توركيا ئه‌گه‌ر كه‌سێك به‌شه‌ودا بنێشت بجوێت پێده‌ڵێن ئه‌وه‌ گۆشتي‌ مردوه‌ ده‌يخۆيت.ئه‌گه‌ر كه‌سێك له‌كۆڕو كۆبونه‌وه‌يه‌كدا له‌پڕ بێده‌نگ بێت‌و هيچ نه‌ڵێت، به‌واتاي‌ ئه‌وه‌يه‌ كه‌ كۆمه‌ڵێك فريشته‌ به‌و شوێنه‌دا تێپه‌ڕيون.له‌لاي‌ ئيسپانيه‌كان خواردني‌ ترێ‌ له‌شه‌وي‌ سه‌ري‌ ساڵدا به‌خت دێنێت.

ئه‌گه‌ر پاشه‌ڕۆي‌ باڵنده‌يه‌ك كه‌سێك يان شوێنێك له‌ڕوسيا پيس بكات واتاي‌ ده‌وڵه‌مه‌ندبونه‌. له‌كوردستانيش ده‌وترێت ئه‌گه‌ر كه‌سێك ده‌ستي‌ ڕاستي‌ بخورێت ئه‌وه‌ پاره‌ي‌ ده‌ستده‌كه‌وێت.